*📰 न्यूज जर्नलिस्ट असोसिएशन पत्रकार संघटनेच्या रावेर लोकसभा जिल्हा अध्यक्षपदी योगेश महाजन यांची नियुक्ती*

संस्थापक अध्यक्ष फिरोज पिंजारी व राष्ट्रीय संयोजक डॉ. आरिफ बागवान यांच्या मार्गदर्शनाखाली पार पडली बैठक

       जळगाव : (विशेष प्रतिनिधी) – जळगाव येथे नुकत्याच पार पडलेल्या न्यूज जर्नलिस्ट असोसिएशन पत्रकार संघटनेच्या विशेष बैठकीत विविध पदांसाठी नवीन नियुक्त्या जाहीर करण्यात आल्या. संघटनेचे संस्थापक अध्यक्ष फिरोज पिंजारी तसेच राष्ट्रीय संयोजक डॉ. आरिफ बागवान यांच्या मार्गदर्शनाखाली ही बैठक पार पडली.

       या बैठकीत रावेर लोकसभा क्षेत्र पदासाठी योगेश दत्तू महाजन यांची सर्वानुमते जिल्हा अध्यक्षपदी निवड करण्यात आली. पत्रकार बांधवांच्या हितासाठी सक्रियपणे कार्य करणारे महाजन यांच्यावर संघटनेने विश्वास व्यक्त केला आहे.

      बैठकीस जळगाव जिल्ह्यातील अनेक नामवंत पत्रकार, पदाधिकारी आणि कार्यकर्ते उपस्थित होते. यामध्ये अशोक तडवी, डॉंगर कटोरे, शब्बीर खान हिंगोणा, मुबारक तडवी, शकील शेख रावेर, खुर्शाल पाटील भाळले, जुम्मा तडवी, भाळले, फिरोज तडवी, अनिल पवार, राहुल जयकर सांगवी, मिलिंद जंगळे, शरीफ शेख रावेर, जलील शेख, विवर आदींचा समावेश होता.

      नव्या पदाधिकाऱ्यांच्या नियुक्त्यांमुळे संघटनेच्या कामकाजात नवी ऊर्जा आणि उत्साह निर्माण झाला असून आगामी काळात पत्रकार बांधवांच्या प्रश्नांवर प्रभावीपणे काम करण्याचा निर्धार या बैठकीत व्यक्त करण्यात आला.

     कार्यक्रमानंतर उपस्थित मान्यवरांनी योगेश महाजन यांचे मनःपूर्वक अभिनंदन करून पुढील कार्यासाठी शुभेच्छा दिल्या.