🌟 दिवाळीच्या सणात आपुलकीचा सुगंध — कन्हैया दूध रायगड एरिया मॅनेजर श्री दत्तात्रय मिनचंद यांचा आदर्श उपक्रम चर्चेत

          खोपोली :  (परमेश्वर भि कट्टीमणी) : प्रकाशाचा आणि आनंदाचा सण असलेल्या दिवाळीच्या शुभसंधीला, खोपोली शहरात सामाजिक ऐक्य आणि आत्मीयतेचा सुंदर संदेश देणारा उपक्रम कन्हैया दूध रायगड एरिया मॅनेजर श्री दत्तात्रय मिनचंद यांनी राबवला.

       दरवर्षीप्रमाणे यंदाही त्यांनी खोपोली शहरातील सर्व दुकानदार बांधवांना मिठाई आणि लंच बॉक्स वाटप करून दिवाळीचा सण मोठ्या उत्साहात साजरा केला. या उपक्रमातून त्यांनी व्यापारी वर्गाशी स्नेहबंध अधिक दृढ करत, “दिवाळीचा खरा अर्थ म्हणजे आपुलकीची गोडी” असा संदेश दिला.

.   

शहरातील अनेक दुकानदार, व्यापारी व नागरिकांनी या उपक्रमाचे कौतुक केले असून, श्री मिणचेन यांच्या समाजाभिमुख वृत्तीचे सर्वत्र कौतुक होत आहे. खोपोलीसारख्या औद्योगिक शहरात व्यावसायिकांमध्ये आत्मीयता निर्माण करण्याचे हे प्रयत्न नक्कीच प्रेरणादायी ठरत आहेत.

.   

      या निमित्ताने यथार्थ न्यूजचे संपादक परमेश्वर भि. कट्टीमणी यांनी आपल्या राहत्या घरी श्री मिणचेन यांची भेट घेतली. या भेटीदरम्यान त्यांनी श्री मिनचंद यांच्या कार्याचे मनापासून कौतुक करत त्यांचे मनःपूर्वक आभार व्यक्त केले. तसेच, “समाजात सौहार्द, प्रेम आणि आपुलकी पसरविणारे असे उपक्रमच दिवाळीचा खरा उजेड आहेत,” अशा भावना व्यक्त केल्या.

.   

      श्री मिनचंद यांचा हा उपक्रम केवळ भेटवस्तूंचे वाटप नाही, तर मानवी नात्यांना अधिक जवळ आणणारा आणि सामाजिक ऐक्य दृढ करणारा प्रयत्न आहे. त्यामुळेच खोपोली शहरात सध्या त्यांच्या या कार्याची सर्वत्र चर्चा होत असून, अनेकांनी त्यांच्याबद्दल कौतुकाची दाद दिली आहे.